CORDUBA (de)

de CORDUBA

illustris in Hispania Familiae nomen, quae in Gallaecia primum floruit, sub nominibus de Temez et Chantada, dein a Corduba Mauris erepta nomen sortita est, ac in Andaluzia sedem fixit. Rami eius praecipui tres sunt. Primus est de Aguilar, cuius auctor Consalvus Fernandez de Corduba Dn. de Aguilar genuit Alfons. Dn. de Aguilar et Didacum Fernand. Du. de Baena. Illius posteri nomen de Aguilar retinuerunt, usque ad Petr. Alfonsi abnepotem, Marchionis de Priego titulum nactum, quem filia Catharina domui Suareziae de Figueroa intulit, nupta Alfonso. Laur. Suarezii de Figueroa, C. de Feria filio. Sed et Marchionis huius frater Franc. Pachecus de Corduba, Dom. de Almunnar in Granata dedit: ac patruus Consalv. de Corduba, celeberrimus ille bellicus Imperator titulis Ducis Sesae, Ter. novae Sanctangeli, March. Bitonti atque Principis Squillacii, superbivit, quos paulo post filia Elvira agnato Comiti de Cabra attulit. Hos Comites alter Consalvi

superioris fil. Didacus progenuit (eorum quoque Auctor, qui sub nomine de Roxas aliquandiu Pozam tenuêre.) Nepos enim ipsius Didacus Ferdinand. axioma illud Comit. de Cabra nactus est, A. C. 1455. in cuius liberis diversae lineae coeperunt. Martinus Dominos de la Campana, cum cognomin. Ponce de Leon, Sancius Dominos de Casapalma his vero prior Didacus Comites Cabrae propagavit: iterum per posteriores filios, Inicum, Dominorum de Guetor de Santillan; et Antonium, Domin. de Torrequebradilla auctor. Primus vero, Diacus Patri successit, atque Ludovicum ultimi lineae primariae Comitis de Cabra ac Duc. de Sesa Consalvi improlis, atque heredis Beatricis Fernando de Corbuda, nuptae patrem, Petrum Dominorum de Zariab, atque Alvarum Dominorum de Valenzulea, satores genuit. Alter ramus est Dominorum ac Comitum de Alcaudete, qui Velascorum cognomen, ob Alfonsi Ferdinand. Cordubensis atque Mariae Velascae connubium assumpserunt. Ex cuius lineae postgenitis aliae novae quoque ortae sunt. Tertius est Marchio de Comares, qui prius Domini de los Donzeles fuerant, donec Didacus Fernandez Marchionis impetriaret axioma. Huic a Iohanna Folckia de Candona et Aragona Duc. de la Cardona et Segorbia Com. de Prades, Didaco Fernandez de Corduba M. de Comares nuptâ, etiam successio illata est. Vide Phil. Iac. Spenerum, Theat. Nob. Europ. tom II. in Ind. et eiusd. tomi p. 74. genesin Marchionum de Priego ex ramo primo: p. 120. Velascorum, ex secundo: et p. 27. Marchion. de Comares, ex tertio. Idem tom. III. Alfonsum Ferdinand. de Corduba Marchion de Priego Ducem de Feria, ex Iohanna Henrici de Ribera, fuscepisse Ludovicum Ignatium Ferdinand. de Corduba Figuerora Aguilar Marchion. de Priego Ducem de Feria Marchionem de Montalvan et Villalva, habet: cui nupsit Maria Anna Cordubensis d'Aragon, p. 78.